Ukuvikela ukuzithwala (Ukwelamisela khatshana imuli)
Ukusebenzisa indlela zokuvikela ukuzithwala kuyakusiza ukuthi wenelise ukuhlela ikusasa yakho
Ukuvikela ukuzithwala kuyasiza ukuthi ungazithwala ungakazimiseli lokuzivikela ukuthola imikhuhlane ethelelwana amacansini
Nxa sokumele umuntu akhethe indlela yokusebenzisa ukuvikela ukuzithwala kuqakathekile ukuthi umuntu azwisise okuhle lokungakuhle ngendlela inye ngayinye ongayisebenzisa.
Sungabe ulendlela ezinengi ongazikhetha kodwa kumele ukhethe indlela ehambelana kuhle lempilakahle yakho.
Ulemvumo yokusebenzisa indlela zokuzivikela ukuzithwala ungazange ucele imvumo ebazalini bakho kumbe kulowo ophilisana laye amacansini.
Ukuvikela ukuzithwala kuyakusiza ukuthi ungazithwali ungazimiselanga, ukusebenzisa amakhondomu kuyasiza njalo ukuthi ungatholi imikhuhlane ethelelwana emacansini.
Ngaphansi kuloluhlu lwendlela ongazisebenzisa ukuvikela ukuzithwala, okuhle lokungalehli ngazo lalapho ezitholakala khona.
Amakhondomu awesilisa lawesifazana
Amakhondomu yiyo yodwa indlela yokusebenzisa evikela izinto ezimbili. Amakhondomu atholokala kungelambhadalo emakilinika njalo alentengo ephansi uma uwathenga ama famasi lasezitolo.
Okuhle
- Amakhondomu ayakuvikela emikhuhlaneni ethelelwana amacansini uma esetshenziswe ngendlela.
- Ayavikela ukuzithwala uma esetshenziswe kuhle
Okubi
- Amakhondomu ayadabuka uma engasetsheniswanga kumbe engagcinwanga kuhle
- Nxa u (ngicela uye ekilinika ye CeSHHAR uyethola ukulatshwa)
- Kumele uthole isayizi ekulungeleyo yokusebenzisa ngoba ungasebenzisa elikhulu liyatshelela liphume.
- Makhondomu esilisa lawesifazana asetshenziswa kanye kuphela.
Amakhondomu ayatholakala amakilinika wonke awe CeSHHAR kungelambhadalo. Amaphilisi anathwa ngabesifazana ukuvikela ukuzithwala. Maphilisi la atholakala ephaketheni engu 28 kumele unathe elilodwa Kanye ngelanga ngesikhathi esifanayo nsuku zonke. Kulenhlobo ezimbili ezandileyo:
Ama Combined Oral Contraceptive (COC) pills lama Progesterone-(POP)
Okuhle
- Iphilisi leli lingapholisa ubuhlungu obudalwa yikungena kowesifazana esikhathini
- lingehlisa njalo amaqhubu ande ukutholakala ebusweni
Okubi
- Awavikeli emikhuhlaneni etholakala amacansini
- Sungatshaywa likhanda elingapheliyo kumbe ukuzimuka
- Kungakhweza ingozi yakho yokutshaywa yistroke
Ayatholakala kungelambhadalo emakilinikika e CeSHHAR Zimbabwe lakwamanye amakilinika amanengi
Implants
Leyi kuyindlela yokuvikela ukuzithwala esebenza okwesikhathi eside, iyafakwa engalweni ngaphansi nje kwayo
Okuhle
- Iyavikela ukuzithwala okwesikhathi esingafika iminyaka emihlanu
- Umuntu uyenelisa ukuyikhupha lapho esengasayifuni
Okubi
- Ingenza ukuthi umuntu ophe kancane
- Ingakhweza I blood pressure yakho
- Ayivikeli emikhuhlaneni ethelelwana emacansini
Indlela yokuvikela ukuzithwala ephuthumayo. Ungasebenzisa le indlela ukuvikela ukuzithwala emva kokuhlangana lomuntu amacansini ungazivikelanga kumbe lapho uhlangane lomuntu emacansini lingavumelananga. Nxa ucabangela ukuthi indlela oyisebenzisileyo ukuvikela ukuzithwala ingabe ingasebenzanga ngendlela kumele usebenzise indlela ephuthumayo le. Ama IUD enziwe nge copper ayasetshenziswa lawo njalo njengendlela yokuvikela ukuzithwala ephuthumayo
Okubi
- Ungezwa ufuna ukuhlanza, ukutshaywa likhanda lokukhathala nje emva kokunatha iphilisi leli
- Alivikeli emikhuhlaneni ethelelwana amacansini
- Ungabulawa yisisu emva kokunatha iphilisi leli
Indlela le iyatholakala emafamasi amanengi
Male and female sterilisation
Leyi yindlela yempilo yonke yokuvikela ukuzithwala engasetshenziswa ngabelisa labesifazana. Ungakatholi ukwelatshwa lokhu kumele uthole ukuxoxisana lalabo abasebenza kwezempilakahle.
Okuhle
- Indlela eyenziwa ngayo ilula njalo ayithathi sikhathi
- Iyavikela ukuzithwala
Okubi
- Ayivikeli imikhuhlane ethelelwana amacansini
- Indlela le sungayibuyisela emuva, kodwa kakutsho ukuthi uzenelisa njalo ukuzithwala.
- Ungezwa ubuhlungu kodwa kumele ubone udokotela wakho akwelaphe
Ungayithola emtholampilo kungelambhadalo
Indlela zokuvikela ukuzithwala ezihlatshwayo njalo zisebenza okwesikhathi eside.
Indlela ezijwayelekileyo ezikhona kulezinsuku ngethiwa yi depo medroxyprogesterone acetate (DMPA) le norethindrone enanthate (NET-EN). Indlela zokuhlatshwa ijekiseni lezi zilokuhle ezilakho ezenza zithakazelelwe ngamaqembu amanengi abomama.
Okuhle
- I DMPA ayilakho okubi okubangelwa yi estrogen njengalokhu abathi yi thromboembolism okungumkhuhlane wokuthi amahlwili egazi ayama emithanjeni.
- Iyehlisa njali ubuhlungu besisu obubangelwa yikungena kwabomama esikhathini. Ingozi yokuthola imvukuzane yesibeletho kumbe eyesiswini iyehla ma usebenzisa indlela le siqathanisa lalapho usebenzisa ezinye indlela zokuvikela ukuzithwala ezilama homoni.
- Indlela le ayila estrogen, kungathi ilungile ukusetshenziswa yilabo abesifazana abangenelisi ukusebenzisa into ezile estrogen.
Okubi
Kodwa zilakho ezingakuhle ngakho lezi indlela okugoqela lokhu
- Iyaphambanisa indlela ohamba yakho esikhathini
- Iyenza ukuthi oyisebenzisayo aphuze ukwenelisa njalo ukuzithwala
I DMPA, I Depo-Provera iyatholakala kungelambadalo ekilinika ye Sisters
Hlaba ku link engaphansi lapha ukuze uthole ukuthi ikilinika eseduzane lawe lapho ongenelisa khona ukuthola inhlelo zokwelamisela khatshana imuli, iPrEP, ukuhlolwa igcikwane le HIV lezinye inhlelo eziphathelane lempilakahle yemacansini ( izakusa njalo epejini lapho ongenelisa khona ukwenza umcijo wokuyabonwa ekilinika)
